سه‌رۆكی نوێی ئه‌نجومه‌نی پارێزگای كه‌ركوك له حزبه‌كه‌ی ده‌ركرا
نها نیوز – هەواڵەکان
هاوپه‌یمانیی سیاده، محه‌مه‌د حافز، سه‌رۆكی نوێی ئه‌نجومه‌نی پارێزگای كه‌ركوكی له ریزه‌كانی ده‌ركرد.
ئه‌مرۆ یه‌كشه‌ممه پارتی هاوپه‌یمانیی سیاده لقی كه‌ركوك به‌یاننامه‌یه‌كی ده‌ركرد و تیایدا ده‌ركردنی محه‌مه‌د حافز، سه‌رۆكی هه‌ڵبژێردراوی ئه‌نجومه‌نی پارێزگای كه‌ركوكی له ریزه‌كانی حزبه‌كه‌ی راگه‌یاند.
لە بەیاننامەکەدا ئەوەش هاتووە، ناوبراو بۆیه ده‌ركراوه چونكه، "سه‌رپێچیی له مه‌رج و بنه‌ماكانی حزب كردووە".
ئه‌وه‌ش دوای ئه‌وه دێت كه شەوی شەممە 10ی ئابی 2024 بەبێ بەشداریی پارتی دیموکراتی کوردستان و بەرەی تورکمانی و ژمارەیەک ئەندامی عەرەبی ئەنجومەنی پارێزگای کەرکوک، لە هۆتێل ره‌شید له شاری بەغدا ئه‌نجومه‌نی پارێزگای كه‌ركوك به به‌شداریی نۆ ئه‌ندام، پارێزگار و سەرۆکی ئەنجومەنی پارێزگای کەرکوک هەڵبژێردران.
|