دره‌نگانى شه‌وى ڕابردوو، هێزێكی زۆری توركیا به‌چه‌كی قورسه‌وه له‌سنوری ئامێدی هاته قوڵایى خاكی هه‌رێمى كوردستانه‌وه، میدیاى نزیك له‌په‌كه‌كه‌ش زانیاریى زیاتر له‌وباره‌یه‌وه بڵاوده‌كاته‌وه.
به‌گوێره‌ى ئه‌و هه‌واڵه‌ى میدیاى نزیك له‌په‌كه‌كه، شەوى ڕابردوو، سوپاى تورکیا، کاروانێک سەربازیی ناردە کانی ماسی لەپارێزگای دهۆک‌و بەئاشکرا ده‌ركه‌وتن.
بەگوێره‌ى ئەو دیمەنانەی بڵاوکراونەتەوە، دەردەکەوێت تورکیا کاروانێكی زەبەلاحی سوپای ناردوەتە سنوری کانی ماسی كه چه‌كى قورسیان پێیه‌و تائێستاش نازانرێت ڕوو له‌چ ناوچه‌یه‌كى دیكه‌ى هه‌رێم ده‌كه‌ن.
میدیاى نزیك له‌په‌كه‌كه ده‌ڵێت:"پێشتریش بەوێنەو دیمەن هاوکارییەکانی پارتیمان بۆ تورکیا بە بەڵگە بڵاوكردوه‌ته‌وه کە لەتەنیشتی بنکەو بارەگاکانی خۆی، مۆڵگەی بۆ سوپای توركیاش بونیادناوەو بەتەواوی دەیانپارێزێت".