مەترسییەکانی بەکارهێنانی بۆن "عەتر" بۆ مرۆڤ ئاشکرا دەکرێت

نها نیوز – هەواڵەکان

پزیشکان هۆشداریی لە بەکارهێنانی زۆری بۆن دەدەن و ڕایدەگەیێنن، دەبێتە هۆی ژەهراویبوون و ژمارەیەک نەخۆشی مەترسیداریداری دیکە.
 
رۆمان ئۆپارین، مامۆستای یاریدەدەر لە بەشی بایۆلۆجی گشتی لە زانکۆی فێرکاری روسیا ئاشکرای دەکات "بۆنەکان رێژەیەکی بەرزی کحولیان تێدایە کە دەگاتە %95 بۆ %96 ئەمە جگە لە ماددە کیمیاییەکانی دیکە و هەڵمژینیان لەڕێگەی پێستەوە دەبێتەهۆی ژەهراویبوون و کاریگەری لەسەر هەناسەدان دەبێت".

رۆمان ئاماژە بەوەش دەکات، بەکارهێنانی رێژەیەکی زۆر لە بۆن "عەتر" مەترسی بە ژەهراویبوون زیاد دەکات، ئەمەش بەهۆی بەرزی رێژەیی کحول و چەند پێکهاتەی دیکەی زیانبەخش لە ناویدا.
  
جێی ئاماژەیە، بەکارهێنانی 30 بۆ 50 ملیلیتر بۆن کاریگەری نەرێنی لەسەر تەندروستی جەستە دەبێت، بەڵام ئەگەر بەکارهێنانەکە بۆ زیاتر لە 100 ملیلیتر بۆن بەرزبێتەوە کاریگەری خراپ لەسەر کۆئەندامی هەرس، جگەر و گورچیلە و کۆئەندامی دەماری ناوەندی دەکات.