نها نیوز – تەندروستی
هەرچەندە لە ئێستادا هیچ لیستێکی دیاریکراو نییە بۆ ئەو خۆراک یان خواردنەوانەی کە دەبنەهۆی هێرشی "شەقیقە"، چونکە هۆکارەکانی شەقیقە و هەستیاری خۆراک لە کەسێکەوە بۆ کەسێکی تر جیاوازن.
بەپێی بابەتێکی ماڵپەڕی "هێڵسلاین"، توێژینەوەیەک کراوە و چەند نموونەیەک وەرگیراوە لەو کەسانەی تووشی "شەقیقە" دەبن، ئەو کەسانە رایانگەیاندووە کاتێک ئەم خواردن و خواردنەوانە دەخۆن، ئازاری شەقیقەیان دەست پێ دەکات یان زیاتر دەبێت،
کە بریتین لە:
1.خۆراکی دەوڵەمەند بە نیترات، وەک گۆشت و هۆت دۆگ.
2. مۆنۆسۆدیۆم گلوتامات (MSG)، زیادکەرێکە زۆرجار لە خۆراکە ئامادەکراوەکاندا دەبینرێت.
3.شیرینییە دەستکردەکان یان ئەو خواردنەوانەی شەکریان تێدایە.
4.خواردنی شوکولاتە و گوێز و لیمۆ، هەروەها زیادکردنی سرکە بۆ خواردنەکان.
5. خواردنەوە کحولییەکان وەک شەراب و بیرە.
6. بەرهەمە شیرەمەنییەکان و ئایسکرێم.
7. هەندێک سەوزە، لەوانەش تەماتە و پیاز.
8. ئەو خواردنەوانەی کافاینیان تێدایە وەک قاوە.