میسی زۆرترین موچه له جیهاندا وه‌رده‌گرێت
راپۆرتێکی رۆژنامەڤانی مووچەی راستەقینەی لیۆنێل مێسی، ئەستێرەی یانەی بارسێلۆنا ئاشکرادەکات و ئەو یاریزانە زۆرترین مووچە لە جیهاندا وەردەگرێت.
بەپێی راپۆرتێکی رۆژنامەی لێکیپی فەرەنسی کە ئەمڕۆ بڵاویکردووەتەوە، لیۆنێل مێسی خاوەنی بەرزترین مووچەیە لە جیهاندا و ئەو یاریزانە مانگانە 8.3 ملیۆن یۆرۆ لە یانەی بارسێلۆنا وەردەگرێت، بەمەش ساڵانە مووچەکەی دەگاتە 99 ملیۆن و 600 هەزار یۆرۆ.
بەمەش مێسی دەبێتە خاوەنی بەرزترین مووچە لەجیهاندا، لەکاتێکدا کریستیانۆ رۆناڵدۆ، ئەستێرەی یانەی یوڤێنتوس مانگانە 4.5 ملیۆن یۆرۆ وەردەگرێت و ساڵانە مووچەکەی دەگاتە 54 ملیۆن یۆرۆ، بەمەش رۆناڵدۆ نزیکەی دوو ساڵ هێندەی ساڵێکی مێسی مووچە وەردەگرێت.
|