سبەی دەست بەدابەشکردنی مووچە دەکرێت
نها نیوز – هەواڵەکان
وەزارەتی دارایی و ئابووری هەرێمی کوردستان ڕایەگەیاندووە، دوای تەواوبونی ڕێکارەکانی گواستنەوەی تەموویلی مووچە بۆ بانکەکان، سبەی چوارشەممە، 5ـی شوباتی 2025، دەست بە دابەشکردنی مووچەی مانگی کانوونی دووەمی ساڵی 2025 فەرمانبەران و مووچەخۆرانی هەرێمی کوردستان دەکرێت.
ئاماژەی بەوەشکردووە، لەماوەی چەند ڕۆژێکدا مووچەی سەرجەم مووچەخۆران دابەش دەکرێ.
ئەوەشی خستووەتەڕوو، کە لەچەند کاتژمێری داهاتوودا خشتەی مووچەی سەرجەم وەزارەت و دەستەو دامەزراوەکانی حکومەتی هەرێم ڕادەگەیەنرێت.
|