ئەنجومەنی وەزیرانی هەرێم لەسەر پرسی مووچە کۆدەبێتەوە

نها نیوز – هەواڵەکان

لەسەر کێشە و پرسەکانی تایبەت بە مووچە ئەنجومەنی وەزیرانی حکومەتی کاربەڕێکەری هەرێم سبەی کۆدەبنەوە.

پێشەوا هەورامانی، وتەبێژی حکومەتی کاربەڕێکەری هەرێمی کوردستان رایگەیاند، سبەی چوارشەممە 8ی کانونی دووەمی 2025 ئەنجومەنی وەزیران کۆدەبێتە".

ناوبراو وتیشی "تەواوی بڕگەکانی کۆبوونەوەی ئەنجومەنی وەزیران پەیوەندییان بە بابەتی دارایی و پرسی مووچە دەبێت،کە لەنێویاندا راپۆرتێک لەبارەی دۆخی دارایی ساڵی 2024 دەخرێتە ڕوو".

بەوتەی پێشەوا هەورامانی "بابەتی بایۆمەتری و ناردنی زانیارییە داواکراوەکان بۆ بەغدا و راپۆرتیک لەبارەی بەرەوپێشچوونەکانی پڕۆژەی بە ئەلیکترۆنیکردنی ناوەندی خشتەی مووچەخۆرانی هەرێم تاوتوێ دەکرێت".