کورتهێنان هەیە و حکومەتی کاربەڕێکەر دڵنیایدا کە ناتوانن مووچە دابەشبکەن

نها نیوز - هەواڵەکان

وەزارەتی دارایی عێراق پارەی مووچەی مانگی 10ی خستە سەر هەژماری وەزارەتی دارایی هەرێمی کوردستان، بەڵام ڕاوێژکارێکی سەرۆکی حکومەت دەڵێت، کورتهێنانمان هەیە و ناتوانین مووچە دابەش بکەی.

ئەمڕۆ یەکشەممە، وەزارەتی دارایی عێراق بڕى 763 ملیار دیناری خستەسەر هەژمارى وەزارەتى دارایی هەرێمی کوردستان، بەڵام حکومەتی هەرێمی کوردستان بە پاساوی کورتهێنان، دابەشکردنی مووچە دوادەخات.

دژوار فایەق، راوێژکارى باڵاى سەرۆکى حکومەتی هەرێمی کوردستان لە لێدوانێکیدا بۆ میدیای گۆڕان ڕایگەیاندوە، ئەگەر بەغداد گوژمەى یەکەمى پارەکەش بنێرێت کورتهێنانمان دەبێت و ناتوانین مووچەى مانگى 10 دابەش بکەین.

ئاماژەى بۆ ئەوەشکرد کە هەرێمى کوردستان داواى لە بەغداد کردوە سێ مووچە بەیەکەوە بنێرن بۆئەوەى بەپەلە بتوانن دوو موچەى مانگەکانى 10 و 11 دابەش بکەن.