داهاتی هەفتەیەکی سلێمانی ئاشکرا کرا

نها نیوز – هەواڵەکان
ماڵپەڕی شەفافیەت رایدەگەیەنێت، داهاتی ئەم هەفتەیەی پارێزگاکانی سلێمانی و هەڵەبجە زیاتر لە 10 ملیار دینار بووە و بەراورد بە هەفتەی پێشتر زیاتر لە 44٪ کەمیکردووە.

بەگوێرەی ماڵپەڕی شەفافیەت، داهاتی پارێزگاکانی سلێمانی و هەڵەبجە لە رێککەوتی 02-11-2024 بۆ ئەمڕۆ هەینی، 08-11-2024، 10 ملیار و 515 ملیۆن و 785 هەزار و 525 دینار بووە.

ماڵپەڕەکە دەڵێت، بەراورد بە هەفتەی پێشوو، داهاتەکە 8 ملیار و 288 ملیۆن و 773 هەزار و 173 دینار کەمیکردووە.

لە داتاکانی شەفافیەتدا هاتووە، داهاتی ئەو سنوورانە ساڵی رابردوو یەک ترلیۆن و 173 ملیار و 990 ملیۆن و 914 هەزار و 465 دینار بووە. داهاتەکان نانەوتین و لە رێگەی شەش گەنجینە کۆدەکرێنەوە.

رۆژی 15-12-2022، قوباد تاڵەبانی، جێگری سەرۆک وەزیران لە پەیامێکی ڤیدیۆییدا دامەزراندنی ماڵپەڕی شەفافیەتی راگەیاند.