حزبوڵڵا: وەڵامی دەسترێژییەکانی ئیسرائیل دەدەینەوە
نهانیوز-هەواڵەکان
ئەمینداری گشتی حزبوڵڵا رایدەگەیەنێت کە پارتەکەی وەڵامی ئیسرائیل دەداتەوە
نەعیم قاسم، ئەمینداری گشتی حزبوڵڵای لوبنانی لە پەخشێكی راستەوخۆی تەلەفزیۆنی لوبنان رایگەیاند، "دوای ئەوەی ئیسرائیل هەیسەم عەلی تەبتەبائی گەورە سەركردەی حزبوڵڵای تیرۆر كردووە، مافی خۆمانە وەڵامی ئیسرائیل بدەینەوە".
ئەمینداری حزبوڵڵا هێرشەكەی ئیسرائیلی بە دەستدرێژییەكی ئاشكرا وەسفكرد و رایگەیاند" كاتێك دیاری دەكەین بۆ وڵامدانەوەی ئیسرائیل".
ئەوەش لە کاتێکدایە کە رۆژی یەكشەممەی رابردوو لە ناوچەی باشووری بەیروت هەیسەم تەبتەبائی، گەورە بەرپرسی سەربازی حزبوڵڵا و چوار یاریدەدری لە هێرشێكی ئاسمانی ئیسرائیلدا كوژران.
|