ترەمپ داوا لە کیێڤ و مۆسکۆ دەکات "دانوستان" بکەن

نها نیوز – هەواڵەکان

سەرۆکی ئەمریکا ئەمڕۆ داوای لە ئۆکرانیا و ڕووسیا کرد بێنە سەر مێزی دانوستان.

دۆناڵد ترەمپ، سەرۆکی ئەمریکا لە وتارێکیدا وتی: "ئۆکرانیا و ڕووسیا پێویستیانە بێنە سەر مێزی دانوستانەکان".

 روونیکردەوە، "هەموو هەفتەیەک ڕووسەکان و ئۆکراینییەکان لە شەڕێکی گاڵتەجاڕانەدا پێنج هەزار سەرباز لەدەست دەدەن".

ئاماژەی بەوەشکرد: "وادەیەکم هەیە بۆ ڕاگرتنی شەڕی نێوان ڕووسیا و ئۆکرانیا و دوای ئەوە هەڵوێستی من بە تەواوی جیاواز دەبێت".

ترەمپ باوەڕی خۆی دەربڕی کە "ڕووسیا و ئۆکرانیا ئاشتییان دەوێت و پێویستە بێنە سەر مێزی دانوستان"، دەشڵێت، "ئێمە پێشکەوتنمان لە شەڕی ئۆکرانیا بەدەستهێناوە".