فڕۆکەیەکی سەربازی ئێران لە پارێزگای هەمەدان کەوتەخوارەوە
نها نیوز – هەواڵەکان
ئاژانسی هەواڵی مێهر ئیرنای ئێران ئاشکرایکردووە، فڕۆکەیەکی جەنگی ئێرانی لە ڕۆژئاوای وڵات کەوتە خوارەوە و تیمەکەی ڕزگاریان بوو.
حەمزە ئامرایی، جێگری پارێزگاری هەمەدان بۆ کاروباری سیاسی و ئەمنیەتی ڕایگەیاند، "فڕۆکەیەکی سەربازی لە ناوچەی کەبودەرەهەنگ لە پارێزگای هەمەدان لە ڕۆژئاوای ئێران کەوتە خوارەوە".
ئاماژەی بەوەشکردووە، کە "خۆشبەختانە فڕۆکەوانەکان توانیان خۆیان ڕزگاربکەن پێش ئەوەی فڕۆکەکە بکەوێتە خوارەوە".
کەوتنەخوارەوەی فڕۆکە ئێرانییەکان جارجارە بەردەوامە، دیارترینیان کەوتنەخوارەوەی فڕۆکەکەی ئیبراهیم ڕەیسی، سەرۆک کۆماری ئێران بوو، کە بووە هۆی گیانلەدەستدانی خۆی شاندی یاوەری.
ڕاپۆرتی زۆر لە بارەی کەوتنەخوارەوەی فڕۆکەی مەشق و ڕاهێنان لە ئێران بڵاو بووەتەوە و باس لەوە دەکرێت کە دوای زیادبوونی ناوەندەکانی مەشقی فڕۆکەوانەکان، ڕێژەی ڕووداوی هاوشێوە لەم وڵاتەدا زیادی کردووە.
|