نها نیوز – هەواڵەکان
بزووتنه‌وه‌ی حه‌ماسی فه‌ڵه‌ستین رایگه‌یاند، رێككه‌وتن بۆ راگرتنی دوژمنکاری لە غەززە دەستکەوتە بۆ گه‌له‌كه‌یان و به‌رخۆدانه‌كه‌یان و خه‌ڵكی ئازادی جیهان.
بزووتنه‌وه‌ی حه‌ماس له راگه‌یه‌ندراوێكدا ئاماژە بەوە دەکات "رێككه‌وتنی راگرتنی ده‌ستدرێژی بۆسه‌ر غه‌ززه ده‌ستكه‌وتێكه بۆ گه‌له‌كه‌مان و به‌رخۆدانه‌كه‌مان و میلله‌ته‌كه‌مان و خه‌ڵكی ئازادی جیهان".
حه‌ماس دەشڵێت "رێككه‌وتنی ئاگربه‌ست ده‌رئه‌نجامی خۆڕاگری ئه‌فسانه‌یی گه‌له‌كه‌مان و به‌رخۆدانی بوێرانه‌ی ئێمه‌یه له كه‌رتی غه‌ززه له‌ماوه‌ی زیاتر له 15 مانگدا".
لە راگەیەندراوەکەدا ئەوەش هاتووە "ئه‌و رێككه‌وتنه له به‌رپرسیارێتی ئێمه‌وه دێت بۆ راگرتنی ده‌ستدرێژی زایۆنیسته‌كان و كۆتایی هێنان به خوێنڕشتن و كۆمه‌ڵكوژی و شه‌ڕی قڕكردن".
ئەوەشی خستە روو "سوپاس و پێزانینی خۆمان بۆ هه‌موو ئه‌و هه‌ڵوێسته فه‌رمی و جه‌ماوه‌رییه شه‌ره‌فمه‌ندانه ده‌رده‌بڕین كه هاوسۆزییان له‌گه‌ڵ غه‌ززه نیشاندا".
"سوپاس و پێزانینی خۆمان بۆ هه‌موو ئه‌و كه‌سانه ده‌رده‌بڕین كه له‌گه‌ڵ گه‌له‌كه‌مان وه‌ستان و به‌شداریانكرد له ئاشكراكردنی داگیركاری و راگرتنی ده‌ستدرێژی له‌سه‌ر ئاستی عه‌ره‌بی و ئیسلامی و نێوده‌وڵه‌تی". بزووتنەوەی حەماس وا دەڵێ