سەرۆک وەزیرانی کەنەدا دەستیلەکارکێشایەوە
نها نیوز – هەواڵەکان
جەستن ترودۆ، سەرۆک وەزیرانی کەنەدا دەستلەکارکێشانەوەی خۆی لە سەرۆکی پارتی لیبراڵ و سەرۆک وەزیرانی کەنەدای راگەیاند.
لە کۆنفرانسێکی رۆژنامەنوسیدا جەستن ترودۆ سەرۆک وەزیرانی کەنەدا دەستلەکارکێشانەوەی خۆی راگەیاند و تاوەکو هەڵبژاردنی سەرۆک وەزیرانێکی نوێ لە پۆستەکەیدا دەمێنتەوە، هەروەها وتیشی "ناتوانم بۆ هەڵبژاردنی داهاتووی کەنەدا بژاردەیەکی باش بم".
جێی ئاماژەیە، بڕیارە هەڵبژاردنی گشتیی کەنەدا لە 25ی تشرینی یەکەمی 2025 بەڕێوەبچێت. جەستن ترودۆ 11 ساڵە سەرۆکی پارتی لیبراڵە و 9 ساڵیشە سەرۆک وەزیرانی کەنەدایە. بەم دواییانە، بەهۆی هەڕەشەکانی ترەمپ بۆ زیادکردنی باجی گومرگی دووچاری چەندین گوشار بووەوە، لەلایەکی دیکەوە، چەندین هاوپەیمانی نزیکی پشتیان لێکرد و لێی دوورکەوتنەوە. ئەمە جگە لە ئەنجامی راپرسییەکان کە پێدەچێت چیدی خوازراوی گەلی کەنەدا نەبێت.
|