ئەنجامە بەراییەکانی دەنگدان لە ئەمریکا

نها نیوز – هەواڵەکان
دوای تەواوبوونی وادەی یاسایی دەنگدان و داخستنی سندوقەکان، دەستکراوە بە جیاکردنەوەی سندوقەکان لە زۆرینەی ویلایەتەکانی ئەمریکا و بەپێی ئەنجامە بەراییەکانیش؛ ترەمپ لەپێش هاریسەوەیە.

بە گوێرەی ئەنجامە بەراییەکانی هەڵبژاردنی سەرۆکایەتیی ئەمریکا، دۆناڵد ترەمپ خاوەنی 230 خاڵە و 63 ملیۆن و 413 هەزار و 153 دەنگی بەدەستهێناوە؛ هاوکات کامالا هاریسی رکابەری خاوەنی 209 خاڵە و 58 ملیۆن و 952 هەزار و 608 دەنگی بەدەستهێناوە.

بەپێی ئەنجامە بەراییەکان، ترەمپ دەنگی 24 ویلایەتی بۆخۆی یەکلاییکردووەتەوە، لە کاتێکدا هاریس 19 ویلایەتی بۆخۆی یەکلاکردووەتەوە و بەشێک لە ویلایەتەکان هێشتا ئەنجامەکانیان ئاشکرانەکراوە.

ئەمە لەکاتێکدایە، بۆ وەرگرتنی پۆستی سەرۆکی ئەمریکا، لایەنی سەرکەوتوو دەبێت بتوانێت 270 خاڵ بەدەستبهێنێت لە کۆی 538 خاڵ لە سەرجەم ویلایەتەکاندا.