لە عێراقەوە بۆردومانی ئیسرائیل کرا
نها نیوز – هەواڵەکان
گروپی مقاوەمەی ئیسلامی لە عێراق رایدەگەیەنێت، بە فڕۆکەی بێفڕۆکەوان هێرشیانکردووەتەسەر ئامانجێکی "گرنگ" لە باکووری ئیسرائیل.
مقاوەمەی ئیسلامی لە عێراق لە راگەیەندراوێکدا دەڵێت "لە درێژەی رێبازەکەمان بۆ پاڵپشتیکردن لە گەلی فەڵەستین و لوبنان و بەرەنگاربوونەوەی هێرشەکانی ئیسرائیل و وەڵامی ئەو کۆمەڵکوژیانەی لە دژی خەڵکی مەدەنی دەکرێت، بەتایبەت منداڵان، ژنان و بەساڵاچووان، هێرشمانکردووەتەسەر ئامانجێکی گرنگ لە باکووری ئیسرائیل".
ئاماژەی بەوەشکردووە، هێرشەکە بەرەبەیانی ئەمڕۆ چوارشەممە لە رێگەی فڕۆکەی بێفڕۆکەوانەوە ئەنجامدراوە و جەختیش دەکاتەوە کە لە هێرشەکانیشیان بەردەوام دەبن.
|