کەشناسی: پلەکانی گەرما نزم دەبنەوە و باران دەبارێت

نها نیوز - هەواڵەکان

ئەمڕۆ پێنجشەممە، دەستەی کەشناسیی عێراق پێشبینیی کەشوهەوای بۆ ڕۆژانی داهاتوو ڕاگەیاند و دەلێت، پلەکانی گەرما نزم دەبنەوە و باران دەبارێت.

دەستەی گشتیی کەشناسیی عێراق لە راگەیەندراوێکدا پێشبینی دەکات "سبەینێ هەینی، کەش و هەوا ڕوون بێت لەگەڵ هەندێک هەور لە ناوچەکانی باکوور، هەروەها پلەکانی گەرما هاوشێوەی ڕۆژی پێشوو دەبێت لە هەموو ناوچەکانی وڵات".

ئاماژەی بەوەش کردووە "ڕۆژی شەممە و یەکشەممەش پلەکانی گەرما هاوشێوەی ڕۆژی پێشوو دەبن لە سەرجەم ناوچەکاندا".

کەشناسیی عێراق دەڵێت "کەشوهەوای ڕۆژی دووشەممە دەگۆڕێت بۆ نیمچە هەور، لەگەڵ ئەگەری بارانی کەم لە ناوچەی باکوور".