بەرپرسێكی یەكێتی : پۆستی جێگری سەرۆكی هەرێم بۆ ئێمە یەكلایی بۆتەوە
ئاژانسی نها: ژووری هەواڵ
بەرپرسێكی یەكێتی باس لەوە دەكات، پۆستی جێگری سەرۆكی هەرێم بۆ ئێمە یەكلایی بۆتەوە لە دانوستانەكاندا.
عوسمان سێدەری ئەندامی پەرلەمانی كوردستان لە فراكسیۆنی یەكێتی بە ئاژانسی نها-ی راگەیاند" لە دانوستانەكانی پێشووی یەكێتی و پارتیدا پۆستی جێگری سەرۆكی هەرێم بۆ یەكێتی یەكلایی بۆتەوە ".
وتیشی" هەفتەی ئایندە پەرلەمان دەست بەكارەكانی خۆی دەكات و هەمواری پرۆژە یاسایی سەرۆكایەتی هەرێمیش ئەگەری زۆرە لە نزیكترین كاتدا دەنگی لەسەر بدرێت".
روونیكردەوە" ئەو ساردیەی لە نێوان پارتی و یەكێتی و گۆڕان هەیە تا ئە كاتەیە دەچینە حكومەتەوە كە چوینە حكومەتەوە ئەو ساردییە نامێنێت و هەموان شەریكی حكومڕانی دەبین و خزمەتی خەڵكدەكەین".
|